Den 15. oktober var Starte og drive bedrift-dagen arrangert på Sortland, som ein del av Arctic Innovation Week. Arrangementet samla lokale gründerar, langvegsfarande deltakarar og elevar frå vidaregåande skule, til ein dag fylt med informasjon og rettleiing om oppstart og drift av eiga verksemd.
Deltakarane fekk moglegheit til å møta representantar frå Brønnøysundregistera, Patentstyret, Altinn, Starte og drive-tenesta og det lokale rettleiarapparatet Egga Utvikling.
Målet var å gjere oppstartsfasen enklare og tryggare for gründerar, og programmet var fullspekket med korte, informative foredrag om alt frå planleggingsfasen og val av organisasjonsform, til regelverk og rapporteringsplikter. Starte og drive-tenesta nytta òg høvet til å presentere dei nye oppstartsrettleiarane sine, noko som gir både rettleiarar og etablerarar fleire nyttige verktøy på vegen mot å starte og driva eiga verksemd.
Eit av dagens høgdepunkt var foredraget med Anna Green-Hultgren, gründer av Økolonialen. Ho delte den personlege gründerreisa si, der ho belyste både utfordringar og suksessar, samtidig som ho ga deltakarane verdifulle tips om berekraftig produksjon og forbruk.
I pausane fekk deltakarane rikeleg med høve til å mingle, utveksle erfaringar med andre gründerar og få rettleiing frå foredragshaldarane. Me håpar at denne nettverksbygginga og kompetansedelinga vil bidra til å styrke eit meir innovativt, berekraftig og mangfaldig næringsliv i Nord-Noreg.
Takk til alle som deltok og bidrog til arrangementet!
Prøv oppstartsrettleiaren vår for Enkeltpersonforetak du òg. Vi utviklar stadig nye rettleiarar for deg som skal starta eller driva eiga bedrift, sjekk ut fleire av våre rettleiarar her.
Takk for eit hyggelig arrangement!
Her er nokre av arrangementets foredragshaldarar.
